SONGKOWALAIAI

Iti nopo retan ku dot kapadsalangan

Id iso ot walai

Waro ot lamin

Waro ot soliw

Waro ot ropuan

Aso ot taap

Aso sindungon

Aso ot lapik

Aso ot odopon

Aso ot torigi

Momidsalang ih modop makan mogom id tanah

Aso ot tobon

Otomisan dat minsusuab

Aso ot jondila

Losuan dat tinga dau

Aso ot longobon

Songkosuango dot manuk antawa tasu

Dapun poh dino

Araraat poma ot walai

Waro ih ot taap

Waro ot lapik

Ki origi

Kiwaro ot tobon

Ki jondila

Amu-amu nga waro poh ot sindungon om odopon

Orotiai noh di tokow

Opidsalang ih id iso ot walai

Duo tolu ot ropuan

Id iso ot walai nga duo tolu ih ot soliw

Id pinjuru dit walai

Waro ot torigi dit nagawos

Dapun poh dino

Id walai diri

Ino nga ogumu ot lamin

Miiso ih ot ropuan poginakanan

Miiso ih ot soliw podtungongisan

Iso ot taap dot sindungon